Transcription
1
Monsieur, puis mon retour de deça, je vous ay par deux
2
diverses foys donné advis de ce que je y avois aprins digne
3
de vous. Maintenant pour continuer ce devoir auquel le service
4
du roy et vostre bonté m’invitent, je vous envoye la coppye
5
dune lettre que son altesse a, ce matin, receue de Romme, par laquelle
6
vous verrés qu’ayantz les Espagnolz prins assurance de
7
nous, reprennent leurs premieres erres de la Ligue qui
8
revient en une certaine consideration assez à propoz pour le
9
service de sa majesté. Tous les preparatifz qui se faisoient
10
à Milan pour le doute de guerre sont esvanouiz, comme aussi
11
sont ceulx que faisoit son altesse pour se garder dinconvenient.
12
Il y a quatre jours que la fievre tierce la prins. Les accès en
13
sont petitz et peu violentz. Les medecins estiment quil
14
ne passera point la vye. Madame et monsieur le prince
15
leur filz se portent bien, Dieu mercy ; ainsi puisse il
16
estre de vous, monsieur, que je supplie avoir pour
17
agreable ma devotion et me commander
18
Monsieur, je supplie le Createur vous donner longue
19
vye. De Thurin, ce IIe aoust 1572
20
Vostre humble et ancien
21
Serviteur
22
Duvillars
23